Marshallese Landing Page

EngageNWA ak M̗akūtkūt Ko An Northwest (Ijōko Ituiōn̄ Turilikin) Arkansas Ippān Doon

EngageNWA ak M̗akūtkūt ko Northwest Arkansas rej kōm̗m̗ani ippān doon rej kakuktok armej ro reoktak jān doon, jān doulul ko im jukjukūn pād ko. M̗akūtkūt kein rej kōpel̗l̗o̗k jeraam̗m̗an ko n̄an aolep ro ilo Northwest Arkansas n̄an aer koba ippān doon im jerbal ippān doon.

Kar Ejaake Juon Jikin Eo Ej Kobaik Elōn̄ Armej Ro, Jān Kar 2013 Eo

Juon jikin eo elap m̗akūtkūt ko rej kakuktok armej ro ie, ekōm̗m̗an an armej ro bōrokuk im en̄jake ke rej pād ilo juon jikin me aolep rej juon wōt ie. M̗akūtkūt ko rej kakuktok armej ro ilo Northwest Arkansas rej kōpel̗l̗o̗k ialan an kajjojo armej kapenl̗o̗k okran an jukjuk im amn̗ak ijin, kam̗m̗oolol kōn an jukjukūn pād ko bōk kun̗aer im kile im m̗ōn̗ōn̗ō kōn m̗anit ko reoktak jān doon. Kōttōpar eo in bwe aolep ro rej jokwe ijin, ren kajoor wōt im jela bōrokuk ippān doon im kōtl̗o̗k an aolep kwal̗o̗k ainikier im kōm̗m̗an wōnm̗aanl̗o̗k ko.

Jen Kōtōprake Ippān Doon

Juon jukjukūn pād ejjab jide im wal̗o̗k; juon jukjukūn pād ej ejaak itok wōt jān an armej ro ie jerbal ippān doon men̄e reoktak jān doon.

Jerbal Ko Am

Karuwaineneik Aolep

Ilo Wiik in Kwal̗o̗k Karuwainene in, Northwest Arkansas ej kōpel̗l̗o̗k iien an ro rej jokwe ijin, peejnej ko im rūtōl in jukjukūn pād ko bōk kun̗aer im lale wāween ekkatak ko jet n̄an jela kōn kajin im m̗anit ko reoktak jān doon im kajjion̄ jelākajjien ro jet reoktak jān eok n̄an jelal̗o̗k kōlapl̗o̗k karuwaineneik aolep armej.

Ejaake Wāween an Aolep Ippān Doon im Juon Wōt

An Northwest Arkansas ejaake wāween aer jerbal ippān doon im juon wōt ej kōm̗m̗an an aolep ro ilo jukjukūn pād in, kuk ippān doon im juon wōt, lōke doon, im jerbal ippān doon im kōlapl̗o̗k aer jel̗ā kajjien doon n̄an kōwōnm̗aanl̗o̗k jerbal ko rejim̗we im ejjel̗o̗k kalijekl̗o̗k ie.

Kom̗m̗an Wāween Jelā Kajjien Doon

Lale bwebwenato ko, nuuj im iien ko rel̗l̗ap rar wal̗o̗k me rar ejaake ijin jikid im bōk ijo kun̗aad n̄an kakutok im kakobaik jukjukūn pād ko n̄an ad ippān doon im kalōk juon ilju im jeklaj eo epen im ewōnm̗aanl̗o̗k jekdo̗o̗n jej jān ia.

Wōnm̗aanl̗o̗k ko ilo jukjukūn pād in ad rej kōpel̗l̗o̗k wāween ko jemaron̄ kōm̗m̗ani n̄an an armej ro kōnaan pādwōt ijin im jerbal n̄an jukjukūn pād ko aer ilo wāween ko renaaj jelōt ro jet. Men̄e kwaar dik im rūttol̗o̗k wōt ijin ak kwōj kab emmakūt tok, ewōr ijo kun̗aad aolep n̄an kōm̗m̗an bwe Northwest Arkansas en ijo ej bun̄buruōd in n̗aetan jikid.

Armej rej delon̄etok Northwest Arkansas aolep raan.

87+

Elōn̄l̗o̗k jān 87 kajin ko rej kōnono kaki ilo jikuul̗ ko ilo Northwest Arkansas.

300+

Elōn̄l̗o̗k jān 300 iien ko rellap rej kōm̗m̗an ilo Wiik in Karuwainene ko kab iien katak kōn aelōn̄ im m̗anit ko jet.

Tōprakin jerbal ko an m̗akūtkūt ko an Northwest rar jejjōt kūtier itok wōt jān iien, maron̄, im jipan̄ ko jān: Walmart Foundation and Walton Family Foundation

Bwebwenato ko Am

Ear ejaak ilo 2013 ke The Jones Trust im Northwest Arkansas Council rar kajutake, EngageNWA eo ej loloorjake m̗akūtkūt ko an Northwest Arkansas kar ejaake n̄an rejetake jukjukūn pād eo im kowōnm̗aanl̗o̗k men ko rekajoor kaki, kōl̗apl̗o̗k m̗akūtkūt ko renaaj kōm̗m̗an wōnm̗aanl̗o̗k n̄an ijin jikid, im kate kōjmen bwe en l̗apl̗o̗k jeraam̗m̗an ko rej delōn̄tok.

Ilo kar 2017 eo EngageNWA eo ej loloorjake m̗akūtkūt ko ilo Northwest Arkansas ear rejetake Northwest Arkansas Council eo n̄an tōl im ijjino juon pepe n̄an jerbal im m̗akūtkūt ippān aolep ilo ijin jikid ilo ejjel̗o̗k kalijekl̗o̗k. Men in ear kūtibuuj kōl̗apl̗o̗k maron̄ eo n̄an bōk kamminene kōn DEI ak mel̗el̗e ko kōn kilen jerbal ippān aolep armej ro eoktak aelōn̄ im m̗anit ko aer im jerbal ilo jim̗we im jejjōt im ejjel̗o̗k kalijekl̗o̗k. Rar bar rejetake doolul ko rej jerbal ippān ro eoktak aelōn̄ im kajin ko aer, bwebwenato ippān doon kōn rekoot in jerbal ko, im kajutak NWA Leadership Pledge eo n̄an kadikl̗o̗k kalijekl̗o̗k.

Rainin, EngageNWA eo im ej loloorjake m̗akūtkūt ko ilo Northwest Arkansas, ej kakajoorl̗o̗k jemjerā eo an ippān peejnej ko, doolul ko rejjab kōm̗m̗an jāān n̄an er make, im kien eo n̄an wāween jerbal ippān ro rej kōnaan jukjuk im am̗n̗ak ilo Northwest Arkansas. Ikijjeen wāween ekkatak ko, jel̗a eo kōn aelōn̄ im m̗anit ko jet reoktak, an rūtōl ro m̗ōkaj im kōm̗m̗an em̗m̗akūt, im aolep iiō me Wiik in Karuwainene eo ej kōm̗m̗an, jej jek ilo l̗ōm̗n̗ak ko ad n̄an kajutak juon jukjukūn eo me aolep ro uwaan rej jerbal ippān doon im kautiej doon n̄an em̗m̗anl̗o̗k n̄an ijin jikid.

Doulul in Council eo an NWA ej kakajoor aolep

Ium̗win elōn̄l̗o̗k jān 30 iiō ko, Council eo an Northwest Arkansas ear jerbal m̗aantak ilo an kakkōm̗anm̗anl̗o̗k im kōm̗m̗an wōnm̗aanl̗o̗k ko n̄an ijin jikid. Rar kate er n̄an katōprak mejānkajjik ko reddik im rel̗l̗ap an jukjukūn pād ko kōn aer jel̗ā ke errein ej menin aikuj ko aer.

Ear jutak ilo iiō eo 1990 ippān Sam Walton, Don Tyson, J.B Hunt im peejnej ko rar rejetake er. Doulul in Council in ej juon private non profit ak ej pād ium̗win kien im ejjab kōm̗m̗an jāān n̄an er make. Rein rej jerbal n̄an kōm̗m̗an wōnm̗aanl̗o̗k n̄an mour ko an ro ilo Northwest Arkansas im bwe en em̗m̗an lukkuun em̗m̗an mour n̄ane er.

Bar jet iaan jerbal ko doulul in Council eo ej kōm̗m̗ane ej, kakōm̗anm̗anl̗o̗k wāween mour, kalōn̄l̗o̗k jerbal ko, jerbal ilo peejnej ko ak ekkatak kon peejnej, em̗m̗an jikin taktō, em̗m̗an jon̄an onāān jikin jokwe, wōr kamminene n̄an rijerbal ro.

Doulul in Council in ej kallimūr n̄an kōm̗m̗an bwe ijin jikid en jeraam̗m̗an im kōpel̗l̗ok jeraam̗m̗an ko n̄an ro rej kāālōt bwe ren jukjuk im am̗n̗ak ilo Northwest Arkansas. Men in enaaj l̗ap an jipan̄ aolep ro rej jokwe ilo Northwest Arkansas n̄an kōpel̗l̗o̗k jerbal ko er.

Jukjuk im Am̗n̗ak ilo Northwest Arkansas im Jerbal Ippān Doon

Jelukkuun m̗ōn̗ōn̗ō im utiej būruōd n̄an mour ilo Northwest Arkansas in im m̗ōttan jukjukūn pād in ejejuwaan me jaar kajutake. Elōn̄ rej kwal̗o̗k bwe ijin ej m̗ōttan ijōko rem̗m̗an tata n̄an jokwe ie – ewōr jikin kōlladikdik ko reaiboojoj im jikin etetal ko reaiboojoj; kambani ko rel̗l̗ap im rej kareel kambani ko jet n̄an likūt jāān ko aer ilo kambani kein im kōpel̗l̗o̗k jeraam̗m̗an ko n̄an peejnej ko jet; im ewōr jikin im kein kaloojoj ko rem̗m̗an tata.

Bōtab ro rej jokwe ijin rejel̗ā ta eo ej kōm̗m̗an bwe ijin en jejuwaan; armej ro kōmij ba ritūrim, ro m̗ōttam im rūtōl ro an jukjukūn pād ko. Armej rein im rej jokwe ijin ej ro im rej kōm̗m̗an bwe ijin en m̗ōttan ijōko rem̗m̗an tata ilo aelōn̄ in n̄an jokwe, jerbal im iukkure ie.

Jej bareinwōt jel̗ā bwe l̗ōmn̗ak ko rem̗m̗an rej wōnm̗aanl̗o̗k wōt ilo jukjukūn pād in itok wōt jān men ko el̗ap ad kaorōki ilo mour āinwōt jouj, jel̗ā l̗ōm̗n̗ak kōn ro jet im jel̗ā kautiej aolep armej. Jenaaj aikuj m̗ōn̗ōn̗ō in kate kōj n̄an kōl̗apl̗o̗k im kōwōnm̗aanl̗o̗k l̗ōm̗n̗ak rōt kein rem̗m̗an im jej loe men in aolep raan ilo elōn̄ wāween ko kom̗ij kaalikkari ilo amiwōj rejetake doon.

Jerbal ko an Kamiti eo ej lale ro rej jukjuk im am̗n̗ak im jerbal ippān doon ilo Northwest Arkansas ej n̄an jipan̄ ejaake juon pedped n̄an an aolep rejetake doon bwe jen wōnm̗aanl̗o̗k im kalōk ijin jikid, ijo aolep ren en̄jake aer juon wōt ie. Ro uwaan Kamiti in renaaj kwal̗o̗k mejānkajjik ko aer n̄an iiō in im rejetake doon n̄an aer kōtōprak mejānkajjik kein n̄an jukjukūn pād in ad. Wāween jerbal rōt in enaaj kōm̗m̗an bwe ijin jikid en juon jikin eo ej bōrokuk ilo aer jerbal ippān doon.

Jipede ijin bwe kwōn loe ro uwaan Kamiti eo

Engage NWA. Non Profit. Inclusion. Belonging. Northwest Arkansas. Diversity.